Eksfin stiller byggjelångaranti når Myklebust Verft byggjer ferjer til Torghatten

Konkurransedyktig finansiering av kostnader i byggjeperioden

Ein byggjelångaranti sikrar bankane tilbakebetaling av lån som blir utskrive til norske verft i samband med finansieringa til verftet av nye skip. Garantien kan også gjelda for ombyggingar og for lån til norske produsentar av havinstallasjonar som til dømes vindmøllefundament. Garantien hjelper verftet eller produsenten å sikra konkurransedyktig finansiering av kostnader i byggjeperioden.

Myklebust verft har teikna skipsbyggingskontraktar med Torghatten Nord AS for to ferjer. Ferjene skal gå i ruta Bodø-Moskenes i Vestfjorden.

Det spesielle er at motorane skal drivast på hydrogen, noko som aldri tidlegare er gjort i så stor skala. Samtidig vil skipa ha dieselelektrisk som back-up. Kvar ferje skal kunna ta 599 passasjerar og 120 bilar.